Кьейид авай кIваляй тIуьн недай ихтияр авани?
- Подробности
- Автор: Admin
Инсан кьейи кIвале пуд йикъан къене тIуьн гьазурун ва ам тIуьн карагьат (меслят къалур тийизвай) тир цIийивал я. Карагьат тир цIийивилер лагьайтIа, чпин нубатда, къадагъа авунвайбуруз мукьвал тир ва ихтияр авайдаз мукьвал тир цIийивилериз пай жезва. Кьейи чкада тIуьн гьазурун ихтияр авайбуруз мукьвал тир карагьат цIийивилик акатзава. И карда гунагь авач.
Пайгъамбарди (Аллагьдин салатни салам хьуй адал) вичин асгьаб, Алидин стха Жа’фар Мутат чкада кьиле фейи женгина шагьид яз телеф хьайи хабар агакьайла, лагьанай: «Жа’фаран хизан патал тIуьн гьазура, вучиз лагьайтIа абурал залан хабар агакьнава ва абуруз тIуьн гьазурдай мумкинвал авач».
Гьа и гьадисдал асаслу хьана, кьенвайдан мукьва кьилийри ва я къуншийри тIуьн гьазурна гъайитIа, хъсан жеда. Къе Дагъустанда Пайгъамбардин (Аллагьдин салатни салам хьуй адал) и гьадисдал анжах андийвийри амал ийизва. Амайбуру лагьайтIа, маса къайдада ийизва. Кьенвайдаз зарар авач лугьуз и кардиз артух фикир гузвач. Пайгъамбарди (Аллагьдин салатни салам хьуй адал)лагьанва:
ﻣﻦ ﺍﻟﻠﻴﻠﺔ ّ ﺃﻧﻪ ﻗﺎﻝ)) : ﻻ ﻳﺄﺗﻲ ﻋﻠﻰ ﺍﻟﻤﻴﺖ ﺃﺷﺪ e ﺭﻭﻱ ﻋﻦ ﺍﻟﻨﺒﻰ ﺍﻷﻭﻟﻰ ﻓﺎﺭﺣﻤﻮﺍ ﺑﺼﺪﻗﺔ ﻣﻦ ﻳﻤﻮﺕ ﻓﻤﻦ ﻟﻢ ﻳﺠﺪ ﻓﻠﻴﺼﻞ ﺭﻛﻌﺘﻴﻦ ﻳﻘﺮﺃ ﻓﻴﻬﻤﺎ ﺃﻱ ﻓﻰ ﻛﻞ ﺭﻛﻌﺔ ﻣﻨﻬﻤﺎ ﻓﺎﺗﺤﺔ ﺍﻟﻜﺘﺎﺏ ﻣﺮﺓ ﻭﺁﻳﺔ ﺍﻟﻜﺮﺳﻰ ﻣﺮﺓ ﻭﺃﻟﻬﺎﻛﻢ ﺍﻟﺘﻜﺎﺛﺮ ﻣﺮﺓ ﻭﻗﻞ ﻫﻮ ﺍﷲ ﺃﺣﺪ ﻋﺸﺮ ﻣﺮﺍﺕ ﻭﻳﻘﻮﻝ ﺑﻌﺪ ﺍﻟﺴﻼﻡ : ﺃﻟﻠﻬﻢ ﺇﻧﻰ ﺻﻠﻴﺖ ﻫﺬﻩ ﺍﻟﺼﻼﺓ ﻭﺗﻌﻠﻢ ﻣﺎ ﺃﺭﻳﺪ ﺃﻟﻠﻬﻢ ﺍﺑﻌﺚ ﺛﻮﺍﺑﻬﺎ ﺇﻟﻰ ﻗﺒﺮ ﻓﻼﻥ ﺑﻦ ﻓﻼﻥ ﻓﻴﺒﻌﺚ ﺍﷲ ﻣﻦ ﺳﺎﻋﺘﻪ ﺇﻟﻰ ﻗﺒﺮﻩ ﺃﻟﻒ ﻣﻠﻚ ﻣﻊ ﻛﻞ ﻣﻠﻚ ﻧﻮﺭ ﻭﻫﺪﻳﺔ ﻳﺆﻧﺴﻮﻧﻪ ﺇﻟﻰ ﺃﻥ ﻳﻨﻔﺦ ﻓﻲ ﺍﻟﺼﻮﺭ (( )) .ﻓﺘﺢ ﺍﻟﻌﻼﻡ. ((
«Кьенвай касдиз сура сад лагьай йифелай залан йиф авач, гьаниз килигна садакьа пайдайла адан патахъай язух чIугу».
Эгер садакъадиз пайдай шей авачтIа, кьве ракатдин капI ая. Кьве ракатдани, «аль Фатигьа» сурадилай кьулухъ, «Аль Курси» аят («Аль Бакъара» сурадин 255 аят), Къуръандин «Ат Такасур» 102 сура, ва цIусад сеферда «аль Ихлас» 112 сура кIела. КапI авуна куьтягьайла, ам авуна хьайи суваб кьейидан руьгьдиз бахш авун тIалаба. И кпIуниз «салату ль унс» кьейиди ялгъузвиликай, теквиликай хуьдай капI лугьузва. Адаз ният икI ийида: «Ният ийизва за кьве ракатдин суннатдин салату ль унс капI авуниз Аллагь патал. Аллагьу акбар!»
Гила чаз аквазвайвал, кьейидан кIвале тIуьн гьазур тавунин себеб ам я хьи, и вахтунда кьейидан мукьвабуруз тIуьникай фикирдай вахт авач. Гьа и вахтунда абурухъ галаз абурун рикIер секин жедай, абурун сабур артухаруниз куьмек гудай ихтилатар тухун суннат я. ГьакIни мукьвабуру чпивай жедайвал кьейидаз куьмек гун суннат тирди рикIел хкун хъсан я.
Винидихъ лагьай тIуьнин месэла квачиз, меслят къалур тавунвай, къадагъа тир шейэрни ава. Месела, дишегьлийри чпин чIарар чухун, чинал кьацIар авун ва чпин хур гатун гьарам я. Иллаки къадагъа я масабурузни шел атун патал кIевиз шехьунар авун. Гьа ихьтин лугьунар ийиз шехьзавайбур, мумкинвал аваз хьайитIа, тIуьнни тагана кIваляй акъудайтIа хъсан я. Кьенвайдан кьилихъ адаз хас тушир ерияр лугьуз шелар авун къадагъа я.
Эгер вич кьейила шехьа лагьана веси тунватIа, адан азабар гзаф жеда. Са бязи алимри лугьузвайвал, вичихъ шехьмир лагьана весида са гафни кхьин тавурбурни азабдик жеда.
Гьаниз килигна, веси гьазурдайла икI кхьейтIа хъсан я: «Зун кьейила чIарар чухваз, чинрал кьацIар ийиз шехьмир ва лугьунар ийимир. Куфрдиз фидай гьич са карни ийимир ва гьич са гафни лугьумир». Гьа са вахтунда, вичиз мукьвал касдихъ ван акъуд тавуна шехьун, вилерай накъвар авадарун къадагъа туш. Виридалайни хъсан кар сабур авун я. Кьенвайдаз хас тир хъсан хесетар рикIел хкун хъсан я. Гьар са яш балугъ хьанвай итимдини дишегьлиди веси тун лазим я. ИкI тавурдавай Къияматдин йикъалди рахаз жедач. Веси вич ихьтинди хьун мумкин я, месела: «Зи веси – тупIал, сят ва бармак я. Вуч заз аватIа, зун кьейидалай кьулухъ хъсан патахъ ишлемиша». Са шейни авачир касдиз веси авунни герек къвезвач. Веси авун патал касдихъ гьалалдиз къазанмишнавай мал девлет хьана кIанда.
Добавить комментарий
