За кьур кьин чIурна. Гила вуч ийида?
- Подробности
- Автор: Admin
Кьин чIурай касди цIуд кесибдиз гьардаз са мудд (600г) къуьл ва я ам яшамиш жезвай чкада инсанри гзафни-гзаф тIуьниз ишлемишзавай шей гун лазим я. ГьакIни 600 граммдин паталай гьар са касдиз са партал: перем, шалвар, ягълух ва масабур паяйтIа жеда. Инал гьисабай шейэрикай садни ийиз тежезвайда пуд юкъуз сив хвена кIанда. Ара ахъай тавуна пуд юкъуз сивер хуьн шартI туш, яни са сив къе муькуьди са шумуд йикъалай хвейитIани жеда. Са кIвалахдикай, гунагьдикай туба ийидайла, инсандиз Аллагьдал кьин кьун меслят къалурзавач, вучиз лагьайтIа адаз вичи а гунагь мад хъийин тийидайди чизвач хьи.
Къуй ада Аллагьдиз ва я инсандиз са карда гаф гурай ва ахпа а гаф хуьрай. Гайи гаф хуьн мусурмандин буржи я. Ам хуьн тавун мунафикьвилин лишанрикай сад я.
(«ФатхIу-ль-МугIин»).
Добавить комментарий
