Гьаждикай куьрелди
- Подробности
- Автор: Admin
Мединадиз фин ва Пайгъамбардал (Аллагьдин салатни салам хьуй адал) зиярат авун
Аллагь чир хьунив агудзавайбурукай сад яз гьисабзавай ва зияратчияр патал важиблу сунна Мединадиз ва Пайгъамбардин (Аллагьдин салатни салам хьуй адал) сурал фин яз гьисабзава. Бязи алимри гьисабзавайвал, Пайгъамбардин (Аллагьдин салатни салам хьуй адал) сурал фин ферз я.
Къуръандин 64-аятдин «Ан-Нисаъ» сурада Сад тир Аллагьди гунагькар инсанриз Пайгъамбардал (Аллагьдин салатни салам хьуй адал) кьил чIугуниз эвер гузва, абуруни ва Пайгъамбардини (Аллагьдин салатни салам хьуй адал) абурухъ галаз санал чпин гунагьрилай гъил къачун тIалабун патал, ихьтин арада Ада Вичин регьим къалурда ва абурун гунагьрилай гъил къачуда.
Гьаждикай куьрелди
- Подробности
- Автор: Admin
Зу-ль-гьиджа вацран 9-юкъуз кьиле тухузвай гьерекатар ва Арафатдал фин
Зу-ль-гьиджа вацран 9-югъ алукьайла, рагъ экъечIнамазди вири зияратчияр Арафат лугьудай чкадал физва. Арафатдал акъвазун гьаждин кар алай рукнуйрикай-гьерекатрикай я, гьикI хьи, амай крарилай, гьерекатрилай алатайла, ам патал вахтунин тайин тир сергьятар ава ва ам ахъаяйтIа, алава хъийиз жедач.
Арафатдал акъваздай вахт Зу-ль-гьиджа вацран кIуьд лагьай йикъан нисинилай гатIумзава ва къведай йикъан сегьерар малум жедалди давам жезва. Нагагь зияратчи и вахт алатдалди Арафатдал тефейтIа, адан гьаж атIузва ва ада гьаж гуьгъуьнин йисара мумкинвал хьанмазни къазадай хъувун чарасуз я.
Гьаждикай куьрелди
- Подробности
- Автор: Admin
Тlавафдин шартlар
ТIаваф ийидайла, агъадихъ галай ругуд шартI чарасуз кьилиз акъудна кIанда:
1. Тамам ва гъвечIи дастамаз гваз хьун, нажасдикай беден ва алай партал михьи авун;
2. КапI ийидайла бедендин кIевирзавай чкаяр ачух тахьун, яни аврат кIевирун;
3. Нагагь им тIавафу-ль-Къудум ва я гьаждинни умрадин фарз тир тIаваф туштIа, ният авуна тIаваф авун;
4. ТIаваф Гьажар аль-асваддилай («ЧIулав Къван») гатIумна акI авуна кIанда хьи, герек вири беден къванцин виликай фидайвал;
Гьаждикай куьрелди
- Подробности
- Автор: Admin
Меккадиз атун ва «аль-Къудум» тIаваф авун
Меккадиз атайла, зияратчийри михьиз беден чуьхуьн лазим я ва Масжид аль-Гьарамдихъди фена, «аль Къудум» тIаваф, яни Меккадиз атунин гьуьрметдай тIаваф авуна кIанда. Бабу-с-Салям тIвар алай варарихъай мискIиндиз гьахьайтIа, хъсан яз гьисабзава ва Кябе акурла агъадихъ галай дуьа кIелна кIанда:
«Аллагьумма зид гьаза-ль-Байта ташрифан ва тагIзиман ва такриман ва магьаббатан. Ва зид ман шаррафагьу ва гIаззамагьу мимман хIажжагьу вагIтамарагьу ташрифан ва такриман ва тагIзиман ва бирран. Аллагьумма анта-с-салям ва минка-с-салям фа хIаййина раббана би-с-салям».
Гьаждикай куьрелди
- Подробности
- Автор: Admin
Гьаждиз ва я умрадиз гьахьунин ният авун
И гьазурлухвилер акурдалай кьулухъ зияратчийри мискIинда чпин зиярат башламишунин гьакъиндай кьве ракаатдин суннат-капI авуна кIанда. КапI авурдалай кьулухъ: Нагагь зияратчидиз ифраддин къайдада зиярат авунин фикир аватIа, ада ихьтин ният ийида:
«За гьаждизгьахьунин гьакъиндай ният ийизва ва Садтир Аллагь патал ам кьилиз акъудунивэгечIзава».
«Ляббайкал-лагьумма би-хIажжатин ляббайк, ляббайкаля шарика ляка ляббайк, инна-ль-хIамда ва-н-нигIмата ляка ва-ль-мульк, ля шарика ляк».
