Бахт! – лап регьятдиз!

Подробности

Автор: Admin

Бахтлувал патал акьван тIимил… ва акьван гзаф кIанзава! 

Гьелбетда, чаз виридаз бахтлубур жез кIанзава. Са секин вахтунда бахтуни чи кIвалин ракIар гатуникай гьар сада азиздаказ фикирзава. «Бахт вуч я?» лугьудай суал гьар са девирда итижлуди я. И мукьвара за фикирна хьи, суалдиз гузвай жавабрикай виридалайни зайиф ва адетдинбурни эгер диндин вилерай килигайтIа, гьахълубур жеда. 

Вучиз лагьайтIа, чаз адет тир тегьерда ванзавай а гьикъикъат уьмуьрдиз кечирмиш хьана, абуру гуьзетзавай хьтин, яргъалди чIугур, вири патарихъай хъсан нетижаяр гузвач.

 Эгер бахтуни мергьяметна чун кьабулайтIани, анжах диб авачиз лезет хкудунин гьисс хьиз аквазва. Гьа са вахтунда, лугьудайвал, нетижаллу, хъсан жаваб регьятди я. Шит хьанвайбурукай дуьз менфят къачуна, чавай гьамиша бахтлу уьмуьр кечирмишиз ва масабурузни гьикI бахтлу жедатIа къалуриз алакьда.

Бахт вуч я суалдиз виридалайни регьят, адетдин жавабриз чун и макъалада килигда.

Бахт – им ви гъавурда гьатун я 

Аял чIавуз чаз гьар садаз чизвай хьи, ви гъавурда гьатун патал я шехьна ва я хъверна кIанда. Яваш-яваш чаз жуван фикирар масабуруз гьар жуьре лишанринни ванерин куьмекдалди лугьуз чир хьана. Идалай кьулухъ жуван гъавурда рахунрин куьмекдалди чириз вердиш хьана. Ви гъавурда гьат тийидайла лап пис я, и арада амукьзавайди, бушдиз накъвар авадарун я. Мумкин я, гьа кьепIина авай чIавуз чаз сифте яз «бахт – им ви гъавурда гьатун тирди» чир жезва. Рахаз вердиш хьайила, чIал акъатайла, фикирзава хьи, сад-садан гъавурда гьат тавунин четинвилер кьулухъ галама… Амма кар ина авач эхир. Гьакъикъатда, вахтар алатайла пашман делилдин шагьидар жезва: гьакъикъатда дуьздаказ ви гъавурда анжах вун ва Халикь гьатзава. Ингье жаваб, амма вири идан гъавурда акьазвач. Вучиз лагьайтIа, ам куь дин яшамиш жезвай чкада ава. Дуьньяда вун Аллагьдилай  хъсандиз чидай садни авач. Идалайни гъейри, Адаз  вун валай хъсандиз чизва. Виридалайни мукьвабуруз – диде-бубадиз вун хайи йикъалай эгечIна къенин йикъалди чизва, амма Халикьдиз  вун гьеле эмбрион тирла чизвай ва гележегда вахъ вуч жедатIани чизва. Вири чир хьуниз килигна, Ам ви гъавурда, вавай гьич фикиризни тежедай тегьерда гьатзава. Ингье бахт – жувавай гьатта фикирдизни гъиз тежедай тегьерда ви гъавурда Гьатзавайди гьамиша ви патав гва. Адан патав гьар жуьре фикир, бедбахтвал, суал аваз кьада. Амма бахт хьун патал Ам авайвилихъ ва патав гвайвилихъ инанмиш хьана. РикIин сидкьидай инанмишвална кIанда. Хкатзава, акьван тIимил… ва гьа са вахтунда акьван гзаф кIанзава! 

Жув кIан хьун ва жуваз кIан хьун бахт я

Гьелбетда, кIанивал авачиз гьиниз. Адакай фикир тавур гьич са касни авач жеди. Жуван хамуналди ам гьиссайла, муьгьуьббат чна лап виниз акъуднавай гьиссер тир, я тахьайтIа ам муьгьуьббат тушир, гьакIни чилел гьич муьгьуьббат алайди туш лугьудай фикиррал къвезва. Са гьикI ятIани, эхиримжи фикир дуьзди я, чилел чна гуьзетзавай хьтин муьгьуьббат алач. Вучиз лагьайтIа, нукьсансузвал бегьем туширдакай арадал атун мумкин туш. Чун вири адетдин инсанар я, чна гьа уьмуьрдин юлдашвиле хкязавайбурни гьакI. Амма и карди чаз абурун патахъай лап тамам нетижаяр гуьзетуниз кьецI гузвач. Лугьуда хьи, къавах тарци емиш гъидач, гьакIни, рехнеяр квайда абур квачирди арадал гъидач. Амма муьгьуьббатда бахт хьун, гьелбетда мумкин я, вични чи тамамсузвилери чун тазвай Женнетдин агьалияр хьун кьисмет жедалди вилик. Анжах ахпа чаз тамам муьгьуьббатдалди кIан жеда. Халикьдиз  гьа икI пара кIанда Вичин лукIар. Анжах гьамиша Адан муьгьуьббатдихъ зверна кIанда. Муьгьуьббатдин анжах и чешмедивай чи кIанивилин къанихвал тухариз жеда. Ва им, са шакни алачиз бахт я.

Пуларикай фикирун герек тахьун бахт я.

Дуьньядин уьмуьрда и гьакъикъат регьятдиз инкар жезва: девлетлуйривай хабар яхъ, абуруни «шехьзава» лагьана жаваб гуда. Алава яз, инсан гьакI халкьнава, адаз и дуьньядин къулайвилер жагъидайдавай абур мад ва мад кIан жезва. Гьа са вахтунда, диндихъ инанмиш инсанди вичин мурадар артухардач. Динди авайдал рази жез, са затI хьунилай ва я тахьунилай акси тежез чирзава. Халикьдиз Вичин лукIар пара кIанда, Аллагьдихъ  умуднавай виридалайни бахтлудан уьмуьр, незвай кьуру факай фикир тийизвай нуькIрез тешпигь я. И гьисс зи рикIел алама ва рикIел алама хьи, ада бахтунин гурардикай виридалайни кьакьан кIарар ава – ишлемишзавай затIарикай фикир тавун.  

Кьин тавуна бахт ава

Зи са танишда лагьана, кьиникьикай чир хьайи йикъалай инихъ тамам бахт амач. Вучиз лагьайтIа, фад-геж вири куьтягь жеда, гьатта жуваз хабарни авачиз куьтягь хьуни чав тамамдиз бахтлубур яз гьиссиз тазвач. Кьиникьикай фикир чи руьгьда гьамиша ава ва руьгьдин деринрай садлагьана атана шадвал къакъудзава. Им хъсан кичI я, вучиз лагьайтIа ада чун гьакъикъи бахтунин – инанмишвилел ва диндал – рекьел гъизва. Бахт – им лап регьят я.