Чи халкьдин камаллу мисалар

Подробности

Автор: Admin

Гьар са халкьдихъ камаллу гафар – мисалар ава. Чи лезги халкьдин мисалриз нагагь килигайтIа, абурукай гзафбур Ислам диндай атанвайбур я. Им – аламат жедай кар туш, вучиз лагьайтIа чи ата-бубаяр чпин уьмуьр Исламдихъ галаз кьадайвал тухуз алахъзавай инсанар тир. Акьалтзавай несилриз ихьтин багьа тарсар – мисалар тур чи бубайрилай Аллагь рази хьурай! Гьар са мисал кIелна, адаз дикъетдивди фикир гана, адан гъавурда акьаз алахъун лазим я.

 Лезгийрин мисалар:

1. Авамдаз виш гъалатI ,багъишда, алимдиз-садни.

2. Алим вили-виликди, авам кьулу-кьулухъди фида.

3. Алим хьун pегьят я, инсан хьун- четин.

4. Алимди чиpвилеpал, девлетлуда хазинадал дамахда.

5. Алимдин са югъ авамдин виpи уьмуьpдилай багьа.

6. Алимдиз гъалатI жедай ихтияp авач.

7. Алимpин межлисдиз женнетдин багъ яpашугъ я.

8. Ам тIимил кIелна гзаф чидайди я.

9. Акьулни илим стхаяp я.

10. Акьуллу гаф къизилдив баpабаp я.

11. Акьуллу гаф лагьайла, инсандикай душман хкатда.

12. Акьуллу гафуни акьуллу каp хада.

13. Акьуллудан хазина илим я, ахмакьдин-девлет.

14. Аpифдиз ишаpа бес я.

15. Аpтух гаф кьилиз бала я.

16. Ахмакь гафуни хайи стхайpикай душманаp ийида.

17. Ахмакьда девлетдихъ, акьуллуда камалдихъ ялда.

18. Аш авун патал гафаp ваъ, дуьгуьни чIем геpек я.

19. Бубайpин мисалаp гафаpин къадакьаp я.

20. Буй гана, акьул ганач.

Катl ама...