Женнет гьикI къазанмишда?2
- Подробности
- Автор: Admin
4. Гьакъикъи жигьад
Жигьад гафунин мана - алахъун, четинвилиз дурум гун, женг чIугун я. Кьве жуьредин жигьад ава: Аллагьдин Келима хкажун патал яракь гваз имансузрихъ галаз ту- хузвайди; жуван къене авай нефсиниз акси яз тухузвайди (гьа им виридалайни зурба жигьад я). Алай вахтунда бязи ягъалмишбуру инсанар хъиткьинаруниз, я тахьайтIа Сирияда кьиле физвай гьерекатриз жигьад лугьузва, ваъ ам жигьад туш. Ам еке гунагь ва адалатсузвал я!
Гьакъикъи жигьаддикай Къуръанда икI лагьанва (мана):
«Эй иман гъанвайбур! За квез виридалайни хъсан савда гьим ятIа лугьудани? Аллагьдихъ ва Адан Расулдихъ e инанмиш хьун, жуван бедендалди ва девлетдалди Аллагьдин рекье жигьад авун. Им квез виридалайни хъсан я. Ада куь гунагьрилай гъил къачуда, женнетдин бустанриз ракъурда ва гьамишалугъ кIвалера яшамиш жез тада. Им гьакъикъи бахт я!» («Ас- Сафф» сура, 10-12-аятар).
5. Туба-астагъфир авун
Хьайи гунагьрикай туба ийизвай, яни рикIин сидкьидай «астагъфируллагь» лугьуналди Аллагьдивай гъил къачун тIалабзавай кас гунагьар авачирдаз ухшар я. Гьадисда лагьанва: «Гунагьрикай туба авурди гунагьар авачирдаз тешпигь я» (Ибн Мажагь). Къуръанда лагьанва (мана):
«…анжах туба авур, иман гъайи ва хъсан амалар авурбур женнетдиз фида, абуруз ана зулум ийидач» («Марьям» сура, 60-аят).
6. Диндал кIеви хьун (истикъама).
Къуръанда лагьанва:
«Чи Рабби Аллагь я лугьузвай ва диндал кIевидаказ акъвазнавайбуруз гьич кичIевал ва пашманвал аквадач (Къияматдин юкъ- уз). Чпи авур хъсан амалрай абуруз гьамишалугъ женнет гуда» («Агькъаф» сура, 13-14-аятар).
КатI ама
Добавить комментарий
