Къияматдин югъ мукьув хьанва
- Подробности
- Автор: Admin
Къияматдин югъ алукьдай вахт Аллагьди чуьнуьхнава. Амма къенин юкъуз ам алукьдай югъ са бязи инсанри викIегьдаказ лугьузва. Ахьтинбур тапархъанар ва аферистар я. Месела, гьар йисуз телевизордай, Къияматдин югъ алукьдай вахт къалуриз инсанрик къалабулух кутазва. Им иблисдиз къуллугъзавайбурун алчах амалар тирди, гьар садаз чир хьун лазим я.
Пак тир Къуръанда Аллагь Таалади лугьузва: Мана:
«Абуру вавай Къияматдин югъ алукьдай вахтуникай жузазвани? Лагь абуруз: «Дугъриданни адакай анжах зи Аллагьдиз хабар ава! Аллагьдилай гъейри садавайни а Югъ тайин вахтунда гъиз жедач…»
(«Аль-Аъраф» сура, 187-аят).
Расулаллагьдин (Аллагьдин салатни салам хьуй адал) вахтунда адавай а Югъ алукьдай вахтуникай жузадайбур жедай. Абуруз Аллагьди Къуръанда гьа ихьтин аятралди жаваб гана. Шак алач, Къияматдин югъ алукьдай вахт анжах дуьньяррин Халикьдиз ашкара я.
Маса аятра лугьузва: Мана:
«Гьакъикъатда, Дувандин сятдикай анжах Аллагьдиз малум я»
(«Лукъман» сура, 34-аят);
Мана:
«Дувандин югъ алукьдай вахтуникай анжах Аллагь хабардар я»
(«Фуссылят» сура, 47-аят).
Къияматдин югъ, адан лишанар хьиз хабарсуз алукьда. Пайгъамбарди (Аллагьдин салатни салам хьуй адал) лагьана:
«Ам гьакван хабарсуз алукьда хьи, куьн фан кIус хънез агакьдач».
Ам гьакьван кIичIе жедай югъ я хьи, а вахтунда Аллагьди муъминар вири Вичин патав хутахда, абуруз мусибатар аквадач. Къияматдин югъ алукьдай вахт чи вилерикай Аллагьди чуьнуьхнава, амма адан лишанрикай чун азаднавач.
КатI ама...
Добавить комментарий
