Женнет гьикI къазанмишда?4
- Подробности
- Автор: Admin
10. Гьуьжет тун (тавун)
Аллагьдин Пайгъамбарди (Аллагьдин салатни салам хьуй адал) лагьана:
«Вич гьахъ яз гьуьжет турдаз женнетдин юкьвал кIвал жеда лагьана за гаф гузва»
(Абу Давуд).
11. Зарафатрани тапарар тавун
Гьадисда лагьанва:
«Зарафатар, хъуьруьнар ийидайлани тапарар тавурдаз женнетдин юкьвал кIвал жеда лагьана за гаф гузва»
(Абу Давуд).
12. Дастамаз чIур хьанмазди ам хъувун ва дастамаздин кьве кьил суннат капI авун.
Са экуьнахъ Пайгъамбарди (Аллагьдин салатни салам хьуй адал) Билялаз (Аллагь рази хьуй) вичин кьилив эверна ва суал гана:
«Биляль! Залай вилик женнетдиз фидайвал вуна вуч кIвалах авуна? Гьар сеферда зун женнетдиз гьахьайла (ахварай) заз жуван вилик кваз аниз гьахьай ви кIвачерин ванер къвезва. Накь йифизни зун женнетдиз гьахьна ва мад ви кIвачерин ван атана». Биляль асгьабди жаваб гана: «Я Расуляллагь (Аллагьдин салатни салам хьуй адал), азан гайидалай кьулухъ за гьамиша кьве кьил суннат капI ийизва. Дастамаз чIур хьайилани за гьасятда ам цIийиз вахчузва ва дастамаздин кьве кьил суннат капIни ийизва». Пайгъамбардини (Аллагьдин салатни салам хьуй адал) лагьана: «Гьа и кIвалахар себеб яз вун женнетдиз гьахьзава»
(Тирмизи, Агьмад).
КатI ама...
Добавить комментарий
