Зина – ягьсузрин еке гунагь. Часть 3
- Подробности
- Автор: admin
Зинакардиз гьихьтин жаза гьазурнава?
Аллагь-Таалади итимриз ва папариз гьарам шейэриз килиг тавун ва чпин гьаяяр хуьн буйругънава. Гзаф аятра Халикьди зинавал къадагъа авунва. Къуръанда лугьузва (мана): «Инанмиш хьанвайбуруз гьарам шейэриз килиг тавун ва чпин гьаяяр хуьх лагь. Абуруз гьакI авун хъсан я» («Ан-Нур» сура, 30-аят).
Буйругъ кьилиз акъуд тийизвай, зина амалар акъатзавайбуруз лагьанва (мана): «Ни ахьтин амалар авуртIа, адаз жаза гуда» («Аль-Фуркъан» сура, 58-аят).
Зинавал ийизвай инсан кафир (дин гвачир) яз кьиникьин къурхувал ава. Абу Даудалай атанвай Пайгъамбардин (Аллагьдин салатни салам хьуй адал). гьадисда лугьузва: «Эгер лукIра зинавал ийиз хьайитIа, адан иман къакъатна хъен хьиз кьиливай куьрс жеда. Вичин кIвалах акьалтIарайдалай кьулухъ иман адан патав хквезва» («ат-Таргъиб», 3/265). Гьадисдай аквазвайвал, зина ийидай вахтунда инсандин иманди ам гадарзава, эгер гьа вахтунда ада чан гайитIа адакай динсуз жеда. Динсузрин чка виридаз малум тирвал гьамишалугъ Жегьеннем я.
Муса пайгъамбарди жузуна: «Я Аллагь! Зинавал авурдаз гьихьтин жаза гьазурнава?» Аллагьди лагьана: «За адал гьатта дагълар руьхъведиз элкъуьрдай цIун перем алукIда». Са сеферда Пайгъамбардин (Аллагьдин салатни салам хьуй адал). патав Жабраил ва Микаил малаикар атанвай. Абуру лагьана: «Чаз Жегьеннемда гзаф пис сузайрин ванер къвезвай пич акуна. Чун аниз тамашна: ам кIуф гуьтIуь ва кIан гьяркьуьди тир, анин кIане кьецIил дишегьлияр ва итимар авай. КIаникай цIун ялавар аквазвай ва гзаф пис гьарайрин ванер къвезвай. Абур гагь хкажиз, гагь авудиз кузвай». «Я Жабраил, абур вуч ксар я?», - лагьана Расулуллагьди (Аллагьдин салатни салам хьуй адал). . «А инсанар зинадал машгъулбур тир», - хгана жаваб малаикди.
Гьадисдай малум тирвал, мусурманар ягъалмишарун патал иблисди (лянет хьуй адаз) вичин кьушун рекье твазва. Ада абуруз лугьузва:
«Нивай мусурманриз лап чIехи зарар гуз хьайитIа, адан кьилел за таж алукIда». Адалай кьулухъ шейтIанри къвез ахъайзава: «Хизан чукIурна, мусурманрин арада къалмакъал тунва». Иблис рази жезвач. Эхиримжи шейтIанди вичи кьве мусурмандив зина ийиз туна лагьайла, ам рази хьана. Гьа икI и шейтIандилай иблисди тарифарна ва адан кьилел, лянет хьайида, таж алукIна. Гьадисда лагьанвайвал: «Жегьеннемда балкIанар кьван гъуьлягъар ва акьребар авай кIам ава. Абуру зина авурбур агъуламиш сарарал кIасзава, нетижада арадал атай тIал агъзур йисузни секин жезвач. Абуру гунагькарар кIус-кIусна къазунзава, адалай кьулухъ абурал чан хквезва ва абуруз и азаб цIийи кьилелай давам хъжезва».
Ата-бубайрин девирда рушан, я туштIа вахан кьилел алай шалуник кягъун намусдик хкIадай чIехи кар тир. Къенин юкъуз лагьайтIа, дуьнья гьикI алчахвилихъ инсанри дегишарнаватIа чаз аквазва. Зина хьтин гунагь ийидалди ада вичин тухумдин тIвар беябурзавайди дишегьлиди фикирун лазим я.
Пайгъамбардин (Аллагьдин салатни салам хьуй адал). гьадисда лагьанва: «Куьне чара дишегьлийрихъ галаз зина кIвалахар тавуртIа, чара итимри куь дишегьлийрихъ галазни зина ийидач». Маса гьадисда лагьанва: «Итимрихъ галаз гекъигайла дишегьлийриз, цIудакай са пай акьул ганва, ашкъи- гьевес – кIуьд пай. Амма акьулдин паталай дишегьлийриз цIудакай кIуьд пай регъуьвал ва итимриз анжах са пай регъуьвал ганва». АкI хьайила, къенин юкъуз зина амалар акъатзавай итимри зурба кIвалахар авурди хьиз чпелай тарифарзава, дишегьлийриз лагьайтIа гьар жуьредин алчах лакIабар гузва. Бес цIудакай са пай акьул ва кIуьд пай гьевес авай дишегьлияр айиб авурла, кIуьд пай акьул ва са пай гьевес авай итимрикай вуч лугьуз жеда?! Ахьтин итимар гьа дишегьлийрилайни агъадай я. Зинадал машгъул дишегьлийриз гузвай лакIабриз, гьахьтин итимар цIуд сеферда лайихлу жезва. Итимрилай кIуьд сеферда артух регъуьвал ганвай дишегьлийрини чпив чара кас агудна кIандач, ягьсуздаказ тухун адаз гьич кутугнавач.
Катl ама...
Добавить комментарий
