Ички хъун гьарам я! Часть 5
- Подробности
- Автор: admin
Пиянискадин гьалдикай
Алай аямда са бязибуру лугьуда, яни тIимил кьадарда ички хъвайитIа дарман я. Амма ибур авам ихтилат я. Я илимда, я динда адаз тестикь делилар авач. Акси яз Пайгъамбардин (Аллагьдин салатни салам хьуй адал) гьадисда лугьузва: «Аллагь-Таалади гьарамнавай шейина, Ада дармандин къуват тунвач». Гьавиляй, чакай садни гуя ички дарман я лугьуз ягъалмиш хьана кIандач.
Пайгъамбардин (Аллагьдин салатни салам хьуй адал) асгьаб Ибн Масгьуда са сеферда лагьаналда: «Ички хъвазвай инсан кьейи вахтунда куьне ам зун алаз кучуда. Адалай кьулухъ адан сур чална адаз тамаш, эгер адан чин Кябедихъ элкъвенватIа куьне зун яна йикь». Яни ичкибаздин чин гьатта Кьибледи кьабулзавач, Кьибле мусурманрин пад я. Адаз и кар якъиндиз чизвай, гьавиляй ихьтин гаф лагьана.
Аллагьдин буйругъар кьилиз акъуд тийизвайбур, гьарам ва гьалал тийижирбур Халикьди гьайванрилайни агъадай кьазва. Къуръандин аятда Аллагьди лугьузва (мана): «Аллагьдин буйругъар кьилиз акъуд тийизвайбур гьайванар хьиз я, гьатта гьабурулайни агъадай» («Араф» сура, 179-аят).
кат1 ама...
Добавить комментарий
