Чи халкь авай мусибат

Подробности

Автор: Шамиль

И кардикай хабар хьайи иблисни секиндиз акъвазнач. Адаз дин къеняй чIуриз кIан хьана. ИкI чи халкьдин арада ягъалмиш десте – вагьабизмдин терефдарар чкIана. Абуру чеб мусурманар я лугьузва, амма диндиз акси кIвалахар ийизва ва гьа идалди чи халкь генани диндивай яргъаз акъудзава. Абурун ягъалмишвиликай чна кхьидач, вучиз лагьайтIа абурун амалар виридаз ашкара я.

Ибадатдикай рахайтIа, Аллагь-Таалади пак тир Къуръанда лагьанва (мана):

«За жинерарни инсанар Заз ибадат авун патал халкьнава». 

Иниз килигна, гьар са касди вичин Халикьдиз ибадат авун лазим я. Чал исятда диндин газетрай, телевизордай, имамрин насигьатрай дин агакьзава. Яни алай вахтунда дин чирдай вири мумкинвилер ава. Къияматдин юкъуз гьич са багьнани чаз амукьдач. А чIавуз чавай лугьуз жедач: «Заз хабар авачир. Заз гьим дуьзди ва гьим чIуруди ятIа чизвачир, гьавиляй зун диндин рекьиз фенач». Играми тир зи халкь, чIуру ксариз килигна гьакъикъи дин гадарун дуьз туш. Чи бубайрин мисалда лугьузвайвал: «НетIрез килигна перем кудач». Чи тарихдиз вил вегьейтIа, чаз зурба динэгьлияр аквада: шейх Мугьаммад аль-Ярагъи, Гьажи Давуд, Алкьадар Гьасан эфенди, Етим Эмин, Хпеж Къурбан, Вагъуф буба. Ихьтин диндар инсанар чи халкьдихъ гзаф хьана. 120 йис идалай вилик са Ахцегьрин хуьре 18 мискIин авай. И карди чи халкь диндин рекьяй гьи къайда вилик квайтIа къалурзава. Анжах ахпа чи халкь и рекьяй лап зайиф хьана. Лугьузва хьи, инсандин виридалайни пис душман чирвал тахьун (авамвал) я. Чаз къе чи халкьдин тарих чин тийизвайвиляй чи халкь вара-зара жезва. Чи чирвилер Аллагьди Вичи артухаррай! Чан зи играми лезги халкь, куьне Аллагьдин , регьимдикай умуд атIумир. Бубайрин мисалда лагьанва: «Яд хьайи вацIуз яд хкведа».

Я Аллагь, Мугьаммад Пайгъамбардин (Аллагьдин салатни салам хьуй адал), ва хъсан ксарин гьуьрметдай чи халкь диндал, имандал мягькем ая!