Пайгъамбардин (Аллагьдин салатни салам хьуй адал) сунна – рехъ

Аллагь-Таалади Къуръанда лагьанва (мана): «Вуна (эй Мугьаммад(Аллагьдин салатни салам  хьуй адал)) лагь (мусурманриз), эгер квез Аллагь кIанзаватIа, куьн зи гуьгъуьна аваз алад ва Аллагьдиз куьн кIан жеда».  
 
Ахварай аватайла кьилиз акъуддай суннаяр
 
1. Гъиливди чинилай ахварин гелер михьун. Ан-Нававиди ва Ибн Гьажара(Аллах рази хьурай) и кар авун хъсан яз гьисабна, икI лугьузвай гьадис гъана:
«Аллагьдин Пайгъамбар (Аллагьдин салатни  салам  хьуй адал) къарагъна ва гъилеривди вичин чинилай ахварин гелер михьиз ацукьна»
(Муслим).
 
2. Дуьа кIелун :
«Вичи чун кьейидалай кьулухъ, чал чан хкай Аллагьдиз шукур хьурай ва Къияматдин юкъуз ада чал чан хкида»
(Бухари).
 
3. Сивак ишлемишун: Пайгъамбарди (Аллагьдин салатни  салам  хьуй адал) йифиз ахварикай кватайла вичин сарар сивакдалди михьдай.
 
Ахварикай кватайла сивак ишлемишунин карда авай камал:
1. сивакди бедендин суствал аладарда ва кIубанвал хкажзава;
2. сивакди сивяй къвезвай пис ни квадарзава.
 
Лезгинский исламский просветительский портал