Суваб гъиляй ахъаймир, суннат-ратибат кпIар ая! 3
- Подробности
- Автор: Admin
Кьвед лагьайди, нисинин кпIунин ратибатар. Нисинин кпIунин вилик квай кьуд ракат суннат чи Пайгъамбарди (Аллагьдин салатни салам хьуй адал) яргъалди ийидай ва абур авурдалай кьулухъ икI лугьудай: «Им цавун варар ахъа жезвай ва инсанрал Аллагьдин регьим къвазвай вахт я, гьавиляй заз и вахтунда кпIунал жез кIанзава». Мугьаммад Пайгъамбарди (Аллагьдин салатни салам хьуй адал) лагьана: «Нисинин кпIунин вилик ва адалай кьулухъ тамамдиз кьуд ракат суннат кпIар ийизвай инсан Аллагьди Жегьеннемдин цIуз гьарам ийида»
(Тирмизи).
Макгьулади ахъайнавай гьадисда лагьанва: «Нисинин кпIунин вилик кьуд ракат капI авуна ва гьар са ракатда «аль-Фатигьадилай» кьулухъ аят «аль-Курси» (Аллагьу ля илягьа илля гьува…) кIелай касдин кьлихъ ам зияндикай хуьн патал Аллагьди 30 малаик акъвазарда».
Мад Аллагьдин Расулди (Аллагьдин салатни салам хьуй адал) лагьана: «Нисинин кпIунин вилик кьуд ракат суннат ийизвай касдиз йифиз къарагъна тагьаджуд- капI авур касдиз кьван сувабар кхьизва. Гьа и кьуд ракат месин кпIунилай кьулухъ авуртIа, адаз а ракатар Ляйлату-ль-Къадрдин (Къудратдин йиф) авурдай хьиз еке суваб кхьида».
Катl ама...