МискIиндиз гьахьайла саламдин капI авун ферз яни, тахьайтIа сунна? И капI авун виже текъвезвай мискIинар авайди яни?

МискIинда тагьияту-ль-масжид капIавун ферз туш, амма гьар сеферда аниз гьахьайла, ихьтин капIавуртIа, хъсан яз гьисабзава (сунна). Ам авунин къайда ихьтинди я. МискIиндиз гьахьнамазди, ацукьдалди вилик капIавуна кIанда. Нагагь кьасухдай капIтавуна ацукьайтIа, адан вахт алатда ва ихьтин инсан мискIиндиз гьуьрмет тавурди яз гьисабда. Тагьияту-ль-масжид капIавун патал ният агъадихъ галай къайдада ийида: «Ният ийизва за кьве ракатдин тагьияту-ль-масжид суннатдин капI Аллагь  патал авун, Аллагьу акбар!» 

Нагагь мискIинда суннат-кпIарикай гьим авуртIани (аз-зугьа, ишракъ ва я аввабин) им мискIинда суннадал амал авун яз гьисабзава ва ада тагьияту-ль-масжид эвеззава. Са ниятда суннат-кпIар тир тагьияту-ль-масжиддин, дастамаз къачурдалай кьулухъ ийизвай кпIунин, аз-зугьадин тIварар кьуна ва ахпа кьве ракатдин капIавуртIа жеда. ИкIхьайила капI авурдаз тIварар кьур кпIарай виридай сувабар жеда.

Куьрелди и ихтилатдин мана ам я хьи, мискIиндиз гьахьай кас капIтавунмаз ацукьни тавун я. МискIин Аллагьдин кIвал я. МискIинда тагьияту-ль-масжид капIийидай ихтияр хьун патал ам са нин ятIани хсусиятдикай азадди хьана кIанда ва – я ам гьа мураддалди (вакъфу)иесиди вугана, туштIа, маса гана кIанда. Инал лагьана кIанда хьи, алай вахтунда чна жемятдин чилерал (гьарим) эцигзавай мискIинра тагьияту-ль-масжид авун дуьз къвезвач. Амма им, мискIиндиз атай инсан са жуьредин капIни тавуна ацукьна кIанда лагьай гаф туш. ГьакIада тагьияту-ль-масжид капIийида лагьана ният ийизвач ва маса гьи жуьредин капIавуртIани жезва, месела, аз-зугьа, ишракъ ва я аввабин ва я ферз тир кпIарикай са капIкъаза хъийизва. Ферз тир капIийидай вахт алукьайла, ам авуна кIанда. Ферз тир кпIунихъ галаз санал гьи капIавуртIани ада тагьияту-ль-масжид капIэвезда. Им рикIел хуьх!

Чиркей хуьруьхъ галаз цик акатай чи куьгьне мискIинда диндар алимри тагьияту-ль-масжид капIавун къадагъа авунвай са пIипIавай. Идакай Патал-гьажиди суьгьбетнай. Себеб адакай ибарат тир хьи, мискIин эцигдайла, и пIипIжемятдин чилел хьана. Гьавиляй, имам аш-Шафиидин мазгьабдалди, и пипIе тагьияту-ль-масжид авун къадагъа тир. Идакай маса мазгьабра вуч лугьузватIа, талукь тир ктабрай кIелайтIа жеда. Аллагь вири чидайди я, къуй чаз Ада куьмекрай!

Лезгинский исламский просветительский портал