Къуръан урус гьарфаралди кхьидай ва ам кIелдай ихтияр авани?

Подробности

Автор: Шейх Саид Афанди к.с.

Къуръан тек са ам Аллагьдин  патай атанвай чIалал, яни араб гьарфаралди кхьидай ихтияр ава. Гъавурда акьун лазим я, Салмана (Аллах ризи хьуй) персриз кхьей «Аль-Фатигьа» (Альгьам) адан манадин тафсир (толкование) тир. Амма, вич Къуръан урус гьарфаралди кхьин ва кIелун къадагъа я. Къуръандин суьреяр урус гьарфаралди кхьенвай ктабар чапдай    тек са пул патал акъудзавайди я. Гьикьван алахъайтIани ахьтин ктабдиз Къуръан лугьуз жедайди туш, гьавиляй абур гьич кхьин ва я кIел тавуртIа хъсан я.

 «Аль-Фатигьа» суьре дуьз кIелиз чизвай касдин мецелай чирун четин кар туш хьи. ГьикI хьи,  еке майишат кьиле тухуз жезвай касдиз и кар четинди хьиз акуна кIандач. Къуръан тек са урус гьарфаралди кIелиз жезвай ксари «Аль-Ихляс» (Къулгьу) кIелайтIа хъсан я. Са сеферда и суьре кIелайла Къуръандин пуд паюникай сад кIелай кьван суваб жезвайди я, амма эгер ам пуд сеферда кIелайтIа, тамамдиз Къуръан кIелай кьван суваб жеда. И кардин патахъай куь рикIера шак тахьурай! Пайгъамбарди (Аллагьдин салатни  салам  хьуй адал) кпIунилай кьулухъ асгьабривай хабар кьуна: «Квекай нивай экуьнин кпIунин гуьгъуьнай Къуръан тамамдиз кIелна куьтягьиз жеда?». И арада Алидилай гъейри садавайни разивилин жаваб гуз хьанач. Ва Пайгъамбарди   (Аллагьдин салатни  салам  хьуй адал) адахъ элкъвена суал гана: «Вуна ам гьикI кIелзава?». Алиди жаваб гана: «Экуьнин кпIунилай кьулухъ за пуд сеферда «Аль-Ихляс» суьре кIелзава». Пайгъамбар (Аллагьдин салатни  салам  хьуй адал) и кардал рази яз амукьна ва Алидиз хийирдуьа авуна. АкI жеда хьи, чарчин са патал Къуръан кхьена ва муькуь патал адан манадин таржума урус чIалалди аваз, ихьтинди кхьин ва кIелун къадагъа туш. Амма, чаз а жуьреда кхьизвай Къуръан Ислам дин виниз акъудун ва адаз менфят хьун патал тийизвайди чир хьун лазим я. Эгер са касди ахьтин ктабдикай вичиз менфят хкудайтIа, цIуд кас ам себеб хьана ягъалмиш хьун мумкин я. Вучиз? ГьикI лагьайтIа, гъавурда авачир касди ам кIелда ва адаз вич Къуръандин манадин гъавурда акьурди хьиз жеда. И арада хата арадал атун мумкин я - ада вичи-вичиз чирвилер авай алимрихъ галаз гьуьжетар ийидай мумкинвал гуда. Аллагьди хуьрай ахьтин крарикай ва чIуру къилихдикай!

А жуьредин таржумаяр кIелзавайбуруз чир хьун лазим я, абурун вилик квайди гафбагаф авунвай Къуръандин  манайрин таржумаяр  тирди ва ахьтин таржумадай михьиз Къуръандин мана гъавурда акьун мумкин туширди.