Кьейидалай кьулухъ уьмуьр

Подробности

Автор: Admin

Кьиникьин азабри гунагьрикай михьзава

Гьадисда лагьанва: «Аллагьди кьини- кьин азабралди муъмин кас гунагьрикай михь хъийида». Иман авачир касдихъни хъсан амалар хьун мумкин я, абурай Аллагьди адан кьиникьдин азабар кьезиларда. Аллагьди лугьузва: «Азабар, кесибвал, начагъвилер, багърийрин кьиникьар гуналди жуван регьим къалур тавунамаз, За садни и дуьньядай вахчудач. Эгер за ракъурай и вири бедбахтвилер адан гунагьриз барабар тахьайтIа, за адан гунагьар кьиникьин азабар агъур авуналди михь хъийида. Гьа вахтунда адахъ галаз Зун таза аял хьиз михьи яз гуьруьшмиш хъжеда. ГьакIни за и дуьньядай жуван ажугъ алай са касни вахчудач, эгер адахъ хъсан амалар аваз хьайитIа. 

 За и дуьньяда адаз сагъламвал, хизандин хушбахтвал, девлет гуда. Эгер ибур вири адан хъсан амалрихъ галаз барабар тахьайтIа, адан са тIимил кьванни хъсан амалар пишкеш тагана амукьайтIа, За адан кьиникьдин азабар кьезиларда, гьа и къайда Къияматдин юкъуз ам Жегьеннемдикай хуьдай (къутармишдай) са затIни тадач».

Гьаниз килигна кьиникьин азабар гьатта пайгъамбарризни  кваз четинбур хьун мумкин я – и кардалди абурун дережа Аллагьдин вилик виниз акъатзава.  И карди пайгъамбаррин дережа са кIусни агъуз авудзавач, акси яз авлияйризни, маса хъсан ксариз гьикьван гзаф кьиникьин азабар гайитIани, гьакьван гзаф абурун дережа Аллагьдин вилик виниз акъатзава ва гьакьван гзаф абур Халикьдиз мукьув жезва.

Руьгь бедендивай къакъатун

Эгер инсан са артухан гьерекатар тавуна, вилиз аквадай азабар чIугун тавуна кьейитIа, адан патав гвайбуру ада хъсандиз, яни артух азабар чIугун тавуна чан гайиди хьиз фикирда. Амма азабар чIугуна кьейиди акурла адан эхир пис атайди хьиз жеда. Амма кьиникьин азабар рекьизвай касдиз тек са вичиз аквада, патарив гвай ксари а азабар кьатIудач (авлияйрилай гъейри). Чи Пайгъамбарди (Аллагьдин салатни салам хьуй адал), лагьана, рекьизвай касдин патав ам кьун патал малаикар кIватI жеда, и кар абуру инсан юзун тавун патал ийзва, тахьайтIа рекьизвай кас кичIе хьана гьарнихъ катун мумкин я. Эгер рекьизвай кас са жизви юзазватIа, цIурзаватIа, и карди ам малаикри са тIимил буш кьунвайди хьиз  гъавурда акьуртIа жеда.  Эгер чан гузвай кас ерли юзазвачтIа, им малаикри а кас лап кIевиз кьунва лагьай чIал я.  Аллагьдин Пайгъамбарди (Аллагьдин салатни салам хьуй адал), лагьана: «Куьне рекьизвай касдин пуд лишандиз фикир це: пелез гьекь акъатуниз, вилерал накъвар акьалтуниз, нерин хилер ахъа хьуниз – вири ибур адан винел Аллагьди регьим ракъурнавай- дакай хабар гузвай лишанар я.  Эгер рекьизвай касдин туьтуьнай бамиш жезвай деведи ийидай хьтин ванер къвезватIа ва а кас ранг атIана кичIе хьанваз кьуд патахъ килигзаватIа, ибур а кас Аллагьдин ажугъдик акатнавайдакай хабар гузвай лишанар я». Чир хьун хъсан я. Гзаф алимри лагьана: «ДатIана сивак ишлемишзавай касдиз кьиникьин азабар кьезил жеда.

Азардикди рекьизвай касдиз лугьун хъсан тир гафар Аллагьдин Пайгъамбарди (Аллагьдин салатни салам хьуй адал), лагьана:

«Ни рекьидайла икI лагьайтIа, адак Жегьеннемдин цIай галукьдач:

«Ла илагьа илла ллагьу ва ллагьу акбар ва ла хIавла ва ла къуввата илла би ллагьиль гIалиййил гьазим». Ада гьакIни лагьана «Юнус пайгъамбарди (Адал салам хьуй) гъанвай Аллагьдин чIехи  тIвар къалурдани квез? 

Начагъ хьайида икI лагьайтIа: «Ла илагьа илла анта субхIанака инни кунту мина ззалимина», ва и азардикди кьейитIа эхиратдиз шагьид яз хъфида. Эгер сагъ хъхьайтIа, а кас гунагьрикай михьи жеда.

Пайгъамбарди (Аллагьдин салатни салам хьуй адал), Абу Гьурайрадиз лагьана: «За ваз са важиблу сир ачухда, ни начагъ хьанмазди гьасятда месел къатнкана икI лагьайтIа, ам Жегьеннемдин цIукай къутармиш жеда: «Ла илягьа илля Ллагьу юхIйи ва юмиту ва гьува хIаййун ла ямуту  ва субхIана Ллагьи раббиль гIибади вал билади вал хIамду лиЛлагьи хIамдан касиран, тIаййибан, мубаракан фигьи гIала кули хIалин ва Ллагьу акбару  кабиран кибрияугьу ва жалалугьу ва къудратугьу би кули маканин, Аллагьумма ин кунта амразтани ли такъбиза рухIи фи марази гьаза фажал рухIи фи арвахIи ман сабакъат лагьум минкал хусна ва аизни мина ннари кама аазта улаика ллазина сабакъат лагьум минкал хусна».