Диндин илим къачун гьар са мусурмандин буржи я
- Подробности
- Автор: admin
«Илим ганвай инсанарни адакай пай гун тавунвайбур сад жедани бес?»
(«Аз-Зумар» сура, 9-аят).
Мад Къуръанда лагьанва (мана):
«Илим ганвай инсанар Аллагьди са шумуд дережайриз хкажзава»
(«Аль-Мужадаля» сура, 11-аят)
Ибн Аббаса и аятдиз баян гана: «Алимар амай инсанрилай 700 дережадин вине жезва, абурукай гьар са дережадин арадани 500 йисан мензил ава».
Бухариди ва Муслима агакьарнавай гьадисда лагьанва: «Хъсанвал ийиз кIан хьайи касдиз Аллагь-Таалади илим къачудай мумкинвал гузва».
Пайгъамбарвилин (Аллагьдин салатни салам хьуй адал) дережадилай вине авай дережа авачирди ва абурун варисар виридалайни лайихлубур тирди гьар са мусурмандиз чизва. Идакай Пайгъамбарди (Аллагьдин салатни салам хьуй адал) лагьанва: «Алимар пайгъамбаррин варисар я» (Абу Давуд).
Мад ада (Аллагьдин салатни салам хьуй адал) лагьана: «Чилерани цавара авай кьван махлукьатри алимдин гунагьрилай гъил къачун тIалабзава» (Абу Давуд).
Абу Дардади ахъайнавай гьадисда лагьанва: «Илим авачиз гьакI ибадат ийизвай инсандин вилик алимдин лайихлувал, гъетерин вилик ацIай вацран лайихлувилиз барабар я» (Тирмизи).
Али асгьабди лагьана:
«Илим девлетдилай хъсан я».
Источник : Ас салам
Добавить комментарий
