Пайгъамбардин (Аллагьдин салатни салам хьуй адал), уьмуьрдай итижлу малуматар

Подробности

Автор: Admin

Гьира магъарада кьилди хьун

ЯхцIур йисан яшдиз мукьва жердавай Пайгъамбарди (Аллагьдин салатни салам хьуй адал), вичиз кьилди хьунин игьтияж авайди гзаф гьиссзавай. Кьилди хьайила ада Аллагьдикай  фикирзавай, гьа и къайда Адаз ибадатзавай. Ада Ибрагьиман (Адал салам хьуй) халисан дин кьиле тухузвай. Кьилди хьун патал ада Гьира тIвар алай магъара хкяна, ам Меккедин кеферпатан- рагъакIидай пата ава. Ам цIуд, къад, къанни цIуд йикъаралди кьилди жедай. Гагь-гагь ам кIвализ хкведай ва герек тир суьрсетар вахчуна элкъвена магъарадиз хъфидай. Аллагьдин  сад лагьай вагьйу къведалди и тегьер давам хьана.

Веревирд:

Кьилди хьуни инсандив Аллагьдин  къудратлувиликай, тIебиатдин алама- трикай, Алем туькIуьр хьанвай тегьердикай, дуьньяда инсанди къугъвазвай ролдикай, уьмуьрдин метлеб вуч ятIа гьадакай фикириз тазва. Кьилди хьун – им Аллагьдиз  мукьва жедай рехъ я. Аллагьдихъ  авай муьгьуьббат артухарун патал, Адаз мукьва жез алахъна кIанда. Аллагьдин къудрат аннамишуналди, кьатIуналди Адаз мукьва жез алахъайла, чи иман кIеви жеда. Иман кIеви хьайила, Аллагьдиз  къуллугъ авунин рекье чал гьалтзавай татугайвилер, четинвилер алудизни регьят жеда. Чна вири татугайвилер сабурлувилелди эхда. КIеви иман – им диндиз эвер гунин кIвалах кьиле тухузвай гьар са мусурмандин гъиле хьана кIандай мягькем яракь я. Гьа ихьтин «яракьдин» куьмекдалди чи Пайгъамбарди (Аллагьдин салатни салам хьуй адал), дин чукIурунин кIвалах башламишна. Вичи текдиз башламишай и кIвалах адалай вири дуьнья тирвал чукIуриз алакьна. Пехилвал, кьве чин хьун, жува-жув вине кьун, дуьньядин малдихъ, девлетдихъ галтугун – инсандин къилихдиз хас и ерияр вири инсандин руьгь барбатIзавай азарар я, а азаррин вилик пад анжах инсан кьилди хьуналди кьаз жеда. Кьилди хьайила инсанди вичин уьмуьрдин метлеб вуч ятIа аннамишда. Тасаввуфдини (тIарикъат) чаз гьа и кар чирзава. Им жуьреба- жуьре дережайрин инсанар патал я. Кьилди хьун ва жува-жув кьатIун – им алимар патал я, тасаввуф – им шейхерин куьмекдалди чпин руьгь михьи ийиз алахънавай жергедин инсанар патал я, ихлас (инсанар алай чкадал ва кьилди чкада Аллагьдиз  къуллугъ авунин карда тафават тахьун) – им шейхер жагъун тавур инсанар патал я. Кьилди хьун – им дарман я, ам гьикI ва гьикьван ишлемишун лазим ятIа чир хьана кIанда. Ам кешишри хьиз ишлемишна виже къведач, вучиз лагьайтIа Исламда кешишвал авайди туш.

КьатI ама