Пайгъамбардин (Аллагьдин салатни салам хьуй адал), уьмуьрдай итижлу малуматар

Гьира магъарада кьилди хьун

ЯхцIур йисан яшдиз мукьва жердавай Пайгъамбарди (Аллагьдин салатни салам хьуй адал), вичиз кьилди хьунин игьтияж авайди гзаф гьиссзавай. Кьилди хьайила ада Аллагьдикай  фикирзавай, гьа и къайда Адаз ибадатзавай. Ада Ибрагьиман (Адал салам хьуй) халисан дин кьиле тухузвай. Кьилди хьун патал ада Гьира тIвар алай магъара хкяна, ам Меккедин кеферпатан- рагъакIидай пата ава. Ам цIуд, къад, къанни цIуд йикъаралди кьилди жедай. Гагь-гагь ам кIвализ хкведай ва герек тир суьрсетар вахчуна элкъвена магъарадиз хъфидай. Аллагьдин  сад лагьай вагьйу къведалди и тегьер давам хьана.

Мугьаммад Пайгъамбар (Аллагьдин салатни салам хьуй адал),

Кьуд лагьай паб

ТIвар: Гьафсат.

Бубадин тIвар: Аль-ХатIтIабан хва Умар.

Дидедин тIвар: Мазунан руш Зайнаб.

Хайи вахт ва чка: Мекке, гьижра жедалди 18 йис амаз.

Некягь авур вахт ва чка: Медина, гьижрадилай гуьгъуьниз 3-йис. 

Жегьизар: 400 диргьем.

Кьейи вахт ва чка: Медина, гьижрадилай гуьгъуьниз 41-йис.

Мугьаммад Пайгъамбардилай (Аллагьдин салатни  салам  хьуй адал) аялар: Авач. 

Пайгъамбардин (Аллагьдин салатни салам хьуй адал), уьмуьрдай итижлу малуматар

Кябе эцигунин карда иштирак авун

Кябе – им Аллагьдиз  къуллугъ авун патал чилин винел эцигнавай сад лагьай кIвал я. Сифте яз Кябе Адама (Адал салам хьуй) эцигна ва ам гьа чIавузни исятда алай чкадал эцигнай. Аллагьди  Адаманни (Адал салам хьуй) Гьавадин патав Жабраил малаик (Адал салам хьуй) ракъурна ва абуруз Вичиз къуллугъдай чка эцигун буйругъна. Жабраила чилел гележегдин Кябедин план чIугуна. Эцигунар акьалтIарайдалай кьулухъ, Сад тир Аллагьди Адамаз (Адал салам хьуй) Кябедал тIаваф авун буйругъна. Амма са кьадар вахтар алатайла къизгъин вакъиайринни тIебиатдин шартIарин таъсирдик кваз Кябе чкIана.

Мугьаммад Пайгъамбар (Аллагьдин салатни салам хьуй адал),

Пуд лагьай паб

ТIвар: Аиша.

Бубадин тIвар: Абу Бакр ас-Сиддикъ.

Дидедин тIвар: Умайран руш Умму Руман.

Хайи вахт ва чка: Гьижра жедалди 9 йис амаз.

Некягь авур вахт ва чка: Медина, гьижрадилай гуьгъуьниз 1-йис.

Жегьизар: 400 диргьем.

Кьейи вахт ва чка: Рамазан варз, Медина, гьижрадилай гуьгъуьниз 58-йис.

Мугьаммад Пайгъамбардилай (Аллагьдин салатни  салам  хьуй адал)  аялар: Авач

Пайгъамбардин (Аллагьдин салатни салам хьуй адал) папар. Кьвед лагьай паб Савдат

Кьвед лагьай паб 

ТIвар: Савдат (Амр несилдай тир). 

Бубадин тIвар: Зам’ат, адан буба Къайс, адан буба Абдушамс. 

Дидедин тIвар: Къисан руш Шамус. 

Хайи вахт ва чка: Мекке, гьижра жедалди 68 йис амаз. 

Некягь авур вахт ва чка: Мекке, гьижра жедалди 3 йис амаз. 

Жегьизар: 400 диргьем. 

Кьейи вахт ва чка: Медина, Шавваль, Умар халиф тир вахтунин эхир.

Мугьаммад Пайгъамбардилай (Аллагьдин салатни  салам  хьуй адал) аялар: Авач. 

Лезгинский исламский просветительский портал