Мугьаммад Пайгъамбар (Аллагьдин салатни салам хьуй адал),

Ругуд лагьай паб

ТIвар: Гьинд (Умму Саламат) Гьузайма несилдай.

Бубадин тIвар: Абу Умайа (Гьузайфа аль-Мугъиран хва).

Дидедин тIвар: Амран руш Атикат.

Хайи вахт ва чка: Мекке, гьижра жедалди 30 йис амаз.

Некягь авур вахт ва чка: Медина, гьижрадин 4-йис.

Жегьизар: 400 диргьем. Кьейивахт ва чка: Медина, Шавваль, гьижрадин 61-йис.

Мугьаммад Пайгъамбардилай (Аллагьдин салатни салам  хьуй адал) аялар: Авач.

Пайгъамбардин (Аллагьдин салатни салам хьуй адал) уьмуьрдай итижлу малуматар

Пайгъамбардиз (Аллагьдин салатни салам  хьуй адал) вагьйуяр ракъурай къайдаяр.

Сад лагьай къайда: малаикди адан руьгь (рикIе) Къуръандин аятар эцигзавай ва Пайгъамбардиз (Аллагьдин салатни салам  хьуй адал) малаик вич аквадачир. 

Кьвед лагьай къайда: малаик адан патав инсандин къаматда аваз къвез хьайи вахт, гзаф вахтара ам Дигьйат Калаби тIвар алай асгьабдин къаматда аваз къведай. Лугьузвайвал, ам лап иер акунар авай кас тир. 

Мугьаммад Пайгъамбар (Аллагьдин салатни салам хьуй адал),

Вад лагьай паб

ТIвар: Зайнаб (кесибрин сад лагьай диде).

Бубадин тIвар: Гьузайма, адан буба аль-Гьарис, адан буба Абдулла.

Дидедин тIвар: Ауфан руш Гьинд.

Хайи чка ва вахт: Мекке, гьижра жедалди 26 йис амаз.

Некягь авур вахт ва чка: Медина, Рамазандин варз, гьижрадин 3-йис.

Жегьизар: 400 диргьем. 11

Кьейи вахт ва чка: Медина, Рабиуль ахир, гьижрадин 4-йис.

Пайгъамбардин (Аллагьдин салатни салам хьуй адал) уьмуьрдай итижлу малуматар

Вагьйу къвез башламишун

Аллагь-Таалади Мугьаммадаз (Аллагьдин салатни салам  хьуй адал) сад лагьай вагьйу (откровение) Жабраил малаикдилай (Адал салам хьуй) ракъурна. Пайгъамбар (Аллагьдин салатни салам  хьуй адал) а чIавуз Гьира лугьудай кьветIина авай. Жабраила (Адал салам хьуй) Мугьаммад (Аллагьдин салатни салам  хьуй адал) вичив агудна ва адаз икI лагьана: «КIела». «Заз кIелиз чидач» - жаваб гана ада. Жабраила (Адал салам хьуй) ам мадни вичив агудна ва тикрар хъувуна: «КIела». Мугьаммада (Аллагьдин салатни салам  хьуй адал) гьа виликан жаваб хгана: «Заз кIелиз чидач». Гьа икI пуд сефер тикрар хьана, ахпа Мугьаммад (Аллагьдин салатни салам  хьуй адал) ачух хъувуна Жабраила (Адал салам хьуй) «Аль-‘Алякъ» сурадин сифтегьан вад аят кIелна ва адан рикIе вагьйу яз Къуръандин аятар эцигна. 

Пайгъамбардин (Аллагьдин салатни салам хьуй адал), уьмуьрдай итижлу малуматар

Гьира магъарада кьилди хьун

ЯхцIур йисан яшдиз мукьва жердавай Пайгъамбарди (Аллагьдин салатни салам хьуй адал), вичиз кьилди хьунин игьтияж авайди гзаф гьиссзавай. Кьилди хьайила ада Аллагьдикай  фикирзавай, гьа и къайда Адаз ибадатзавай. Ада Ибрагьиман (Адал салам хьуй) халисан дин кьиле тухузвай. Кьилди хьун патал ада Гьира тIвар алай магъара хкяна, ам Меккедин кеферпатан- рагъакIидай пата ава. Ам цIуд, къад, къанни цIуд йикъаралди кьилди жедай. Гагь-гагь ам кIвализ хкведай ва герек тир суьрсетар вахчуна элкъвена магъарадиз хъфидай. Аллагьдин  сад лагьай вагьйу къведалди и тегьер давам хьана.

Лезгинский исламский просветительский портал