Уроки ислама на лезгинском яз. 23 урок. Возмещение намазов ННТ-ТВ ННТ-ТВ
- Подробности
- Категория: Фикх
Шаввалдин вацран сиверин лайихлувилер
- Подробности
- Категория: Фикх
ГьикI ферз тир кпIунин гуьгъуьнай суннат капI ва я гъалатI хьайила, сагьви сужда ийизватIа, гьакI Рамазандин вацрани, сив хуьдайла, тур эдебар ва къайгъусузвилер Шаввалдин ругуд юкъуз сив кьуналди эвез хъийизва. Шаввалдин ругуд йикъан сивер, Рамазандин вацранбур хьиз, гьузурда аваз, яни Аллагь -Таала рикIе аваз эдебдалди кьун лазим я. Гьатта Рамазандин вацран сиверилайни гзаф гьузурда аваз ва эдеб хвена кьун лазим я. ГьикI хьи, абур кимивилер ахцIур хъийизвай сивер я.
СИВ ХУЬН ТАВУНАЙ ГУНАГЬ
- Подробности
- Категория: Фикх
1) Тирмизиди, Насаиди, Абу Давуда Абу Гьурайрадила ( Аллагь рази хьуй ) Пайгъамбардин (Аллагьдин салатни салам хьуй адал) гьадис агакьарна:
«Шариатди кьабулдай себеб авачиз Рамазандин вацракай са югъ сив хуьн тавуна тур инсандивай ам вичин амай уьмуьрда сивер хвейитIани, эвез ийиз жедач».
И гьадисдин мана ам я хьи, амай уьмуьрда сивер хуьн хъувуртIани, Рамазандин са йикъан суваб адаз хъжедач. Им чна ахъа хьайи сивер хуьн хъувуна кIандач лагьай чIал туш.
Хизан патал 20 меслят. Часть 2
- Подробности
- Категория: Разное
11. Гьар юкъуз сада-садаз куьмек гун ва къайгъударвал къалурун.
12. Куьгьне гьалдай экъечIун. Ара датIана адет тушир, куьгьне гьалдай экъечIдай бейхабар агьвалатар тешкил ая. Гьяддин йикъара кьведни са патахъ алад, ашукьал-машукьвилин нянин тIуьн тешкилайтIани жеда.
13. АкьалтIай жуьреда адалатлу хьун, жуван гьиссер чуьнуьхар тавун. Жуван рикIин гьиссерикай лагь, анжах аялар алачир чкадал.
Жува-жуван хизан чукIур тавун патал
- Подробности
- Категория: Разное
Дишегьлийри фикир тагана чпин гъуьлер «барбатIзавай» ва некягь чIурзавай са шумуд рехъ ава:
1. Гзаф шейэр истемишун.
Са сеферда гзаф акьуллу дишегьлиди лагьана: «Паб яз вавай алакьдай хъсан кIвалах – им гъуьлуь кIвализ хкизвай такьатрал вун рази яз амукьун я». РикIин сидкьидай куь гъуьлерин къадир хьухь ва абуру гъизвайдал рази яз, гьуьрмет ая. Гьамиша квез са вуч ятIани бес жезвач лугьуз, масабурухъ галаз гекъигиз арзаяр авун – им куьн гъуьлелай наразивал къалурзавай виридалайни пис амал я.
Чи халкь авай мусибат
- Подробности
- Категория: Тарих
И кардикай хабар хьайи иблисни секиндиз акъвазнач. Адаз дин къеняй чIуриз кIан хьана. ИкI чи халкьдин арада ягъалмиш десте – вагьабизмдин терефдарар чкIана. Абуру чеб мусурманар я лугьузва, амма диндиз акси кIвалахар ийизва ва гьа идалди чи халкь генани диндивай яргъаз акъудзава. Абурун ягъалмишвиликай чна кхьидач, вучиз лагьайтIа абурун амалар виридаз ашкара я.
Ибадатдикай рахайтIа, Аллагь-Таалади пак тир Къуръанда лагьанва (мана):
«За жинерарни инсанар Заз ибадат авун патал халкьнава».
Михьивилиз Исламда еке къимет ганва
- Подробности
- Категория: Этика
Идалайни гъейри, ам ийидайла беден, парталар ва капI ийизвай чка чиркерикай михьи хьун шартI я. Михьивал гвачиз Къуръандик гъил хкуьрдай, Кябедилай элкъведай (тIаваф) ихтияр авач. Исламди чавай неинки винел патан михьивал, гьакI руьгьдин михьивални хуьн истемишзава. Михьивал хуьникай шариатдин ктабра лап гегьеншдиз кхьенва.
Жуван кIвале михьивал хуьз вири алахъзава, амма куьчедани михьивал хуьн лазим тирди чи рикIелай физва. Пайгъамбардин (Аллагьдин салатни салам хьуй адал), гьадисда лагьанва: «Рекьелай къван, тарцин хел, кIараб (яни инсанриз манийвал ийизвай шей) вахчурдаз садакьа паяй хьтин суваб жеда» (Тирмизи).
Вад кардал амал авуртIа, вун сагълам жеда!
- Подробности
- Категория: Разное
Пайгъамбардин (Аллагьдин салатни салам хьуй адал), гьадисда лагьанва:
"Ви бидендиз ви винел ихтияр ава"
Гьакъикъатда, чун азарлу хьайила чна сагъламвилиз къимет гуз башламишзава. Жуван сагъламвилихъ гелкъуьн – им чи уьмуьрдин ва ибадатдин къакъудиз тежер пай я. Няметрикай виридалайни хъсан тир, ам Аллагьди чаз ядигар хьиз пишкешна ва чна адан паталай жаваб гана кIанда. Жуван сагъламвал гьисаба такьазвай ва адаз фикир тагузвай инсан, Аллагьдиз шукур тегъизвайди я. Аллагьди инсан акьалтIай жуьреда яратмишна, са легьзедин вахтунда адан беденда миллионралди гьерекатар кьиле физва. Чун къекъведайла, къарагъдайла, недайла чи беденди вуч арадал гъизватIа, гьихьтин кIвалах ада ийизватIа, чавай гьич фикирдизни гъиз жедач.
