Ризкьи атуниз манийвал ийизвай себебар
- Подробности
- Автор: Admin
Ризкьи атуниз винидихъ галай амалри манийвал ийизва:
1. Гунагьар;
2. Экуьнин кпIунилай рагъ экъечIдалди авай вахтунда ксун;
3. Гзаф ва мукьвал-мукьвал ксун;
4. КьецIила (яни аврат кIев тавуна) ксун.
5. КьецIила цвар ягъун;
6. Жунубдин гьалда (фарз жендек чуь-хуьн лазим хьайила) аваз тIуьн тIуьн;
7. Кьуьнт яна тIуьн тIуьн;
8. Столдал аватай фан гъвелер тIуьн тавуна гадарун;
9. ЧичIекдин ва я серкинин пиришар цIай яна кун;
10. КIвал михьдайла, пек кул хьиз ишлемишун;
11. КIвале зирзибил тун;
12. Кьуьзуь инсанрин вилик кваз фин;
13. Диде-бубадиз абурун тIварар кьаз эвер гун;
14. Вуч гъиле гьатайтIани, ам сарара экъуьрун;
15. КIвалин гуьрцелдал ацукьун;
16. РакIарин са хилехъ агатна акъвазун;
17. Гьамам ва гьажетхана санал авай чкада дастамаз къачун;
18. Жувал алай партал цун (яни хтIун тавуна);
19. Кьежей чин парталдалди кьурурун;
20. КIвале хушракандин муг тун;
21. КпIунин гьакъиндай къайгъусуз хьун;
22. Экуьнин капI авурдалай кьулухъ тадиз мискIиндай экъечIун;
23. Суьрсет маса къачуз базардал фейила, ана гзаф вахт акъудун;
24. Жуван веледриз пис дуьа авун;
25. Недай ва хъвадай шейэр авай къапар кIев тавуна тун, иллаки йифиз;
26. Уф гана чирагъдик квай цIай хкудун;
27. Ханвай къелемдалди кхьин;
28. Сарар ханвай рекъиналди кьил эвягъун;
29. Жуван диде-бубадиз хийир-дуьа тавун;
30. Ацукьна бармак алукIун;
31. КIвачел алаз шалвар алукIун;
32. Шкьакьвал;
33. Алазни-алачиз кьенят авун;
34. Кагьулвал;
35. Девлет харжна вара-зара авун;
36. Лап астадаказ амалар авун;
37. Диндин ферзериз лайихлу фикир тагун.
Аллагьдин Расулди (Аллагьдин салатни салам хьуй адал) лагьана: «Ризкьи куьне садакьа гуналди тIалаб». Яни са манат садакьадиз гайи касдиз Аллагьди цIуд сеферда гзаф гун хъийида, гьатта Исламдин рекье харжнавай бязи садакьайрай ирид виш сеферда артуханди Аллагьди вахкун хъийизва.
Уьмуьрда берекат артухарзавай дуьа
«СубхIаналлагьи миль-аль мизани ва мунтагьаль гIильми ва маблягъа-рридза ва зинаталь гIарши валь хIамду лиллягьи миль-аль мизани ва мунтагьаль гIильми ва маблягъа рридза ва зинаталь гIарши ва ля илягьа илля-ллагьу миль-аль мизани ва мунтагьаль гIильми ва маблягъа-рридза ва зинаталь гIарши, валлагьу акбару миль-аль мизани ва мунтагьаль гIильми ва маблягъа-рридза ва зинаталь гIарши».
И дуьа гьар юкъуз экуьнин ва гъетрен кпIунилай кьулухъ пуд сеферда кIелун меслят къалурзава.
Чешме: «ТагIлим аль-мутагIаллим».
