Суваб гъиляй ахъаймир, суннат-ратибат кпIар ая! 5

Подробности

Автор: Admin

Кьуд лагьайди, гъетрен кпIунин суннатар Мугьаммад Пайгъамбардин (Аллагьдин салатни салам хьуй адал)  папалай ихьтин гьадис агакьна: «Экуьнин кпIунин вилик ва гъетрен кпIунилай кьулух ийизвай суннат-ратибат кпIарин сад лагьай ракатда «аль-Кафирун» ва кьвед лагьайда «аль-Ихлас» сураяр кIелун меслят къалурзава. Гъетрен капI авурдалай кьулухъ садахъни галаз рахун тавунмаз кьве ракат суннат капI авуртIа, адаз Иллиюнда (Савадлу инсанрин руьгьер Къияматдин йикъалди жезвай чка) еке суваб кхьида». 

Мад гъетрен кпIунин виликни кьве ракат суннат-ратибат авун меслят къалурзава. Бязи алимри гъетрен кпIунин вилик суннатар квач лугьузва, амма гзаф пай алимри, гьа жергедай яз имам ан-Нававиди ам авун Пайгъамбардин (Аллагьдин салатни салам хьуй адал)  сунна я ва и кар тестикьарзавай гьакъикъи гьадисарни ава лугьузва. Гьак1ни, шейх Муьгьуьддин аль-Арабиди лугьузва: «Гъетрен кпIунин вилик квай кьве ракат суннатдиз инсанри лайихлу фикир гузвач, адан къиметлувиликай ва ам авурла Аллагьди  гузвай сувабдикай анжах Халикьдиз  Вичиз хабар ава».

Идалайни гъейри Пайгъамбардин (Аллагьдин салатни салам хьуй адал)  гьадисда лагьанва: «Азандин ва икъаматдин арада суннат капI ава, ам ийиз кIандайбуру авурай». Муслима ва Бухариди агакьарна: «Азан ганмазди Пайгъамбардин (Аллагьдин салатни салам хьуй адал)  асгьабри мискIиндин дестекрин патав акъвазна кьве ракат суннат капI ийидай». 

Предыдущая глава

Катl ама ...