Суваб гъиляй ахъаймир, суннат-ратибат кпIар ая! 6
- Подробности
- Автор: Admin
В
ад лагьайди, месин кпIунин суннатар.
Ибн Умара (Аллагь рази хьуй) ахъайнавай гьадисда лагьанва: «Месин кпIунилай кьулухъ кьуд ракат суннат капI авурдаз Лайлату-ль-Къадр йиф ибадатда акъудай кьван суваб кхьида».
Имам аш-Шафиидин (Аллагь рази хьуй) мазгьабда месин кпIунилай кьулухъ кьве ракат ийизва, идан гьакъиндай Умму Гьабибата ахъайнавай гьадисни ава: «Са йикъан къене цIикьвед ракат ратибат кпIар авур инсандиз Аллагьди Женнетда кIвал эцигда».
Нетижа: Экуьнин кпIунин вилик кьве ракат; нисинин кпIунин вилик ва кьулухъ кьуд-кьуд ракат; гъетрен кпIунилай кьулухъ кьве ракат; месин кпIунин гуьгъуьнай кьве ракат авун сунна я. Имам аш-Шафиидин (Аллагь рази хьуй) мазгьабда кьуд- кьуд ракатар авун сунна я, амма кьве-кьве ракат авун суннат-муаккада я.
Инал лагьай кьуд ракат авай ратибат кпIар (месела, нисинин кпIунин вилик ва кьулухъ галай) кьуд ракатни санал авуртIа жеда, амма кьве-кьве ракат (яни кьве ракат авуна салам гана ахпа мад кьве ракат) авун хъсан яз гьисабзава.
Къуй Аллагь-Таалади и макъалада кхьенвай кьван суннатрал гьар юкъуз амал ийидай мумкинвал гурай!
