Ички хъун гьарам я! Часть 4
- Подробности
- Автор: admin
Ички маса гуникай
Ички неинки хъун ва гьакI маса гун ва къачун, гьасил авун, ам хъвазвай суфрадихъ ацукьун, адахъ галаз алакъалу гьар са шей къадагъа я. Ам хъвазвайди ва маса гузвайди лянетламишнавайбурун дестедик акатзава.
Ибн Аббаса хабар гузвайвал, Пайгъамбарди (Аллагьдин салатни салам хьуй адал) лагьана: «Зи патав Жабраил малаик атанвай, ада заз лагьана: «Я Мугьаммад, дугъриданни Аллагьди ички негьнава, ам гьасилзавайди ва гьасил ая лагьанвайди, ам тухузвайди ва гъваш лагьанвайди, ам гузвайди ва хъвазвайди гьа жергедай я».
Туьквенрай ички маса гузвайбурувай ванер къведа, бес ам хъсан алвердай шей тирди. Амма чир хьун лазим я, адалай алатзавай пулуналди абуру чеб ва чпин хизан кузва, а девлетдик берекатни жедач, ам са мусибатдиз серф хъувун мажбур жеда. Дувандин юкъуз ахьтинбуру Гьакимдин вилик гьикI жаваб гуда? Ички абуру низ маса гузва? Гьелбетда чпин мусурман стхадиз. Бес мусурманди масадаз, иллаки жуван диндин стхадиз зарар гун дуьз яни?
Ички маса гуз ва гьа икI инсанар агъуламиш ийиз, алай аямдин туьквенчийри инсан яна кьейи хьтин гунагьар къазанмишзава. Инсанриз гьарам шей гуз, абурун уьмуьр, чанар, хизанар ва эхират пучзава. Фикирда яхъ, инсанди куь туьквендай ички къачуна хъвана, ахпа са чIуру кIвалах: сад яна кьена, я туштIа вич авариядик кутуна. Бес а кIвалахрин себеб туьквенчи жезвачни? Гьавиляй Пайгъамбарди (Аллагьдин салатни салам хьуй адал) лагьана: «Ички- писвилерин ва алчахвилерин диде я».
кат1 ама...
Добавить комментарий
