Мусурмандин имандин бинеяр. часть 1

Иман - им Мугьаммад Пайгъамбарди  (Аллагьдин салатни салам хьуй адал).Аллагьдин патай халкьдиз гваз атай гьар са гафунихъ инанмиш хьун я. Мусурмандин имандихъ вичин ругуд дестек ава. Эгер абурукай сад къастуналди инкарзавай инсан хьайитIа, адакай динсуз жезва, яни ам мусурман диндай акъатзава. Хатадай ахьтин гафар сивяй акъатай инсанди гьайифар чIугуналди, Аллагьдивай рикIин сидкьидай вичелай гъил къачун тIалабна кIанда. Ада кIелзавай гафарин манадин гъавурда гьатна, шагьада мецел гъана рикIини тестикьарна кIанда («Ашгьаду алля илягьа илля-л-Лагь, ва ашгьаду анна Мугьаммада-р-расулу-л-Лагь»

Кьин кьадай къайда...

Аллагьдин  тIварцIелди ва я Адан сифетралди кьин кьадай ихтияр ава, месела, за кьин кьазва Регьимлудал, Мергьяматлудал. Аллагьдилай  ва Адан сифетрилай гъейри маса шейэрал, мисал яз, Кябедал, Пайгъамбардал (Аллагьдин салатни салам хьуй адал) кьин кьадай ихтияр авач.

Аллагьдин Расулди (Аллагьдин салатни салам хьуй адал) лагьана:

«Дугъриданни, Аллагь-Таалади квез куь диде- бубайрин тIвараралди кьин кьун гьарам авунва. Кьин кьазвай касди Аллагьдин  тIварцIелди ам кьурай, я туш хьи, кисна акъвазрай» (Жамиу-ль-агьадис). 

ЦIийи йис къейд авуникай…

Шукур хьуй Сад Аллагьдиз мусурманриз кьве еке сувар гайи – Сив хуьнин сувар ва Къурбан-дин сувар. Ислам дин къведалди арабриз гзаф суварар авай, абурун виридан чкадал Аллагь-Таалади кьве еке сувар гана.

Сив хуьнин сувар - Рамазандин вацран эхир, сивер хвена, капI-тIеат авур кас Аллагьди вичин гунагьрилай гъил къачунва, рикI михьи ва иман кIеви авунва лугьуз шад жезвай, кесибриз закату-ль-фитIр пайзавай, мукьва-кьилияр сад-садан кIвалериз мугьманриз физвай сувар я. Къурбандин сувар – мусурманри чпин Рабби патал кесибриз къурбандар, садакьаяр пайзавай, капI-тIеат, шадвал ийизвай сувар я.

АКЪИДА АТI-ТIАГЬАВИЯ

 Къияматдин йикъан аламатар

 

وَنُؤْمِنُ بِأَشْرَاطِ السَّاعَةِ: مِنْ خُرُوجِ الدَّجَّال، ونُزُولِ عِيسَى ابنِ مَرْيَمَ عَلَيْهِ السَّلامُ مِنَ السَّماءِ، وَنُؤْمِنُ بِطُلُوعِ الشَّمْسِ مِنْ مَغْرِبِهَا، وَخُرُوجِ دَابَّةِ الأرْضِ مِنْ مَوْضِعِهَا.

Чун Къияматдин йикъан аламатрихъ инанмиш я. Ихьтин аламатрихъ: Даджал акъатун, цаварилай Иса ибн Марьям (Адал салам хьуй) эвичIун, рагъ ам акIизвай патай экъечIун ва чиликай гьайван акъатун

АКЪИДА АТI-ТIАГЬАВИЯ

Алимар ва рикI михьи Аллагьдин лукIар

وَعُلَمَاءُ السَّلَفِ مِنَ السَّابِقِينَ، وَمَنْ بَعْدَهُمْ مِنَ التَّابِعِينَ -أَهْلُ الْخَيْرِ وَالْأَثَرِ، وَأَهْلُ الْفِقْهِ وَالنَّظَرِ-، لَا يُذْكَرُونَ إِلَّا بِالْجَمِيلِ، وَمَنْ ذَكَرَهُمْ بِسُوءٍ فَهُوَ عَلَى غَيْرِ السَّبِيلِ

 

Сифте яшамиш хьайи салаф-алимар ва абуруз табий хьайибур – хъсан амалар авур, гьадисар кIватIай инсанар, факъигьар ва акьул авай инсанар я – абурукай анжах хъсан рахана кIанда. Абурукай пис рахазвай инсанар чIуру рекьел ала.

Лезгинский исламский просветительский портал