Пайгъамбардин (Аллагьдин салатни салам хьуй адал) суннадал чан хкун. КСУДАЛДИ ИЙИДАЙ СУННАЯР

1. Дуьа кIелун: «Ви тIварцIелди, Я Аллагь, рекьизва ва чан хквезва» (Бухари).

2. Капашар санал кьуна, абуруз уф гана и сураяр кIелун: «Ихлас», «Фалякъ»хьун», «Нас». Ахпа гъилер бедендал алтадун, кьилелай башламишна чинилай ва бедендин вилик паталай                                                                                                                                                  (Бухари).

3. Аят «Аль-Курси» кIелун. Бухариди агакьарайвал, ксудалди и сура кIелай касдин патав Аллагьди малаик ракъурда ва ада а касдив шейтIан мукьув тахьун патал къаравулда акъвазда.

Сив хкуддайла суннатар

Сивер хуьдайла кьиле тухун хъсан яз гьисабзавай суннат крар:

1) геж тавуна вахтунда сив атIун, яни гъетрен купIунин вахт хьанмазди;

2) тIуьн недалди вилик “Бисмиллягьи-ррахIмани-ррахIим” лугьун ва хвейи сив кьабулрай лагьана, махсус дуьа кIелун;

« Аллагьумма лака сумту ва бика аманту ва гIаляйка таваккалту ва гIаля ризкъика афтIарту. Ва савма-ль-гъади мин шагьри рамазана навайту. Фагъфир ли ма къаддамту ва ма аххарту, я васигIа-ль- магъфирати, игъфир ли ва ливалидаййа ва ли-ль- муъминина явма якъуму-ль-гьисаб».

Играми Пайгъамбардин (Аллагьдин салатни салам хьуй адал), суннадал чан хкун

ТIуьн тIуьрдалай кьулухъ ийидай суннаяр

1. ТупIариз мез хгун, къапунани тIуьн тун тавун патал ада фан кьас экъуьрайтIа хъсан жеда. Пайгъамбарди (Аллагьдин салатни  салам  хьуй адал)  лагьана: «Хуьрекдин гьи паюна куьн патал хийир (берекат) аватIа, квез чизвач». 

2. ТIуьн тIуьрдалай кьулухъ Аллагьдиз шукур гъун, дуьа кIелун. 

3. Пайгъамбарди (Аллагьдин салатни  салам  хьуй адал)  лагьана: «Гьакъикъатдани, са затI тIуьрдалай кьулухъ, Аллагьдиз шукур гъайи касдилай Ам рази жеда» (Муслим).

Играми Пайгъамбардин (Аллагьдин салатни салам хьуй адал), суннадал чан хкун

ТIуьн недалди ва недай вахтунда кьилиз акъуддай суннаяр:
 
1. «Бисмиллягьи-ррагьмани-ррагьим» лугьун.
 
2. ЭрчIи (дуьз) гъилелди тIуьн.
 
3. Анжах жуван вилик квайди тIуьн (вирида санал незвай къапунай). Вири и пуд сунна Муслима агакьарнавай гьадисда кIватIнава: «Я гада, лагь: Бисмиллягь, ви вилик вуч кватIа гьам эрчIи гъилелди неъ». 

Играми Пайгъамбардин (Аллагьдин салатни салам хьуй адал), суннадал чан хкун

Хъунин суннаяр
 
1. «Бисмиллягьи-ррахмани-ррахим» лугьун.
 
2. ЭрчIи гъиливди хъун, Пайгъамбарди (Аллагьдин салатни салам хьуй адал), лагьана:
«Я гада, лагь - Аллагьдин тIварцIелди ва эрчIи гъилелди неъ...». 
 
3. Са хупI авуналди вири яд хъун лазим туш, сифте пуд хупI ийидайла, гьар са авурдалай кьулухъ яд авай къаб сививай къакъудна нефес къачуна кIанда. Пайгъамбарди (Аллагьдин салатни салам хьуй адал), хъвадайла пуд сеферда нефес къачудай. 
Лезгинский исламский просветительский портал