Садбуру тирш ягъайла «хийир» лугьузва. ИкI лугьун дуьз яни?
- Подробности
- Автор: Admin
Пайгъамбардин (Аллагьдин салатни салам хьуй адал) суннадал асаслу хьана, тирш ягъай касди «Альгьамдулиллягь» (шукур хьуй Аллагьдиз) лагьана кIанда, адан ван хьайида «яргьамукаллагь» (Аллагьди вун регьимдик кутурай), мад тирш ягъай касди жаваб хгуда «ягьдикаллагь» (Аллагьди ваз дуьз рехъ къалуррай). Тирш ягъайда «альхамдулиллагь» лагьайла адан ван хьайи инсанрикай сада кьванни «яргьамукаллагь» лугьун лазим я.КпIарин вахтарикай важиблу чирвилер
- Подробности
- Автор: Admin
Гьар са кпIуниз вичин вахт ава. Идакай Къуръандани лагьанва. Виридалайни хъсан амални, вахтунда авур капI я.
Экуьнин кпIунин вахт
Экуьнин кпIунин вахт гьакъикъи экв малум хьайила алукьзава ва рагъ экъечIдалди давам жезва. Экв малум жедалди РагъэкъечIдай патан цава сикIрен тумуниз ухшар авай, РагъэкъечIдай патахъай РагъакIидай патахъ са лацу цIар акъатзава. Идаз тапан экв малум хьун лугьузва, яни им кпIунин вахт туш. Идалай кьулухъ са тIимил вахтунилай «сикIрен тумунин» гьяркьуьвилихъ лацу цIарар акъатзава. Гьа и лацу цIарар акъатайла экуьнин кпIунин халисан вахт алукьзава.
Суал: Некягь ийидайла рушан ва гададин патай векилар галаз ийизва, вучиз рушни гада чеб жезвач?
- Подробности
- Автор: Admin
Жаваб:
Рушанни гададин патай векилар галаз некягь ийидай ихтияр ава, амма а векилар адалатлу (яни еке гунагьар тийизвай, капI ийизвайбур) хьун лазим я. Руш некягьдал къведай адет шариатда авач, адан паталай адан вали (къаюм: буба…) атана кIанда, вучиз лагьайтIа рушавай вичивай вич гъуьлуьз гуз жезвач, ам валиди гузва. Амма гада вич атун хъсан яз гьисабзава, гьакI ятIани адаз векил ракъурдай ихтиярни ава.
Инанмишвал дуьз тушир, ягъалмиш касдин гуьгъуьна аваз капI ийидай ихтияр авани?
- Подробности
- Автор: Admin
Нагагь адан инанмишви ам Исламдин сергьятрай акъудзаватIа, адан гуьгъуьнаваз капI ийидай ихтияр авач, сергьятрай акъудзавачтIа капI ийидай ихтияр ава, амма меслят къалурнавач (карагьа). Имам Гъазалиди ахьтин касдин гуьгъуьна аваз капI ийидалди, ам кьилди авун хъсан я лагьана.
(«ИгIанату-тIтIалибин»).
«Аллагьу акбар» лугьун тавуна тукIунвай гьайванрин гьарам якIар хизандиз гузвайдаз вуч лугьуда?
- Подробности
- Автор: Admin
.png)
Гьайван тукIвадайла «Бисмиллягь, Аллагьу акбар» лугьун меслят къалурзава. И гафар лугьун тавуна нагагь мусурманди гьайван тукIуртIани адан як гьалал жезва. Вучиз лагьайтIа и карда кьилинди гьайван мусурманди тукIун я. Кафирди тукIунвай гьайвандин як, ада гьатта «Бисмиллягь, Аллагьу акбар» лагьайтIани, мусурмандиз недай ихтияр авач
(«Фатгьуль-Муин»).
