Женнет гьикI къазанмишда?
Чувуддихъ галаз Али асгьабдин (Аллагь рази хьуй) гьуьжет
Къази Шурайха ахъайна хьи, са сеферда Али асгьабдивай (Аллагь рази хьуй) жигьаддиз фидай рекье вичин кьеркь (кольчуга) квахьна. Куфа шегьердиз хтайла, адаз вичин кьеркь са чувудди базардал маса гуз акуна. Халиф Алидай гьарай акъатна:
- Эй, чувуд! Ам зи кьеркь я, ам за садазни я маса гайиди туш, я пишкеш авурди туш! Алверчи лагьайтIа, ам вичинди я лугьуз гафунал кIевиз акъвазна. Месэла гьялун патал Алиди (Аллагь рази хьуй) адаз къазидин кьилив фин теклифна. Гьа икI, абур Шурайхан кьилив атана. Шурайх Али асгьабдихъ (Аллагь рази хьуй) элкъвена:
- Лагь вахъ вуч аватIа, мусурманрин эмир!
Пак гьадисайрай къачунвай насигьатрин кIватIал
6-лагьай насигьат
Аллагь-Таалади лугьузва: «Эй Адаман хва! За куьн – куь кьадар гзаф хьун патал халкьнавайди туш, ялгъуз тирла, квел шад хьун патал халкьнавайди туш, квевай са гьи кардай ятIани зайифвиляй куьмек кIанз халкьнавайди туш, квекай хийир хкудун (къачун) ва зарардикай хуьн патал халкьнавайди туш. Акси яз, За куьн гьамишанда заз ибадат авун патал[1], Заз чухсагъул лугьуз, шукур гъиз, гьямд ийиз, йифди-югъди Зи тариф авун патал халкьнавайди я. Эгер куьне, куь вилик хьайи ва гуьгъуьнлай жезмай вири чинеррини инсанри, гъвечIибуруни чIехибуру, азадбуруни аслубуру – вирибуру, санал кIватIхьана, Заз къуллугъ авуртIани, идалди Зи Пачагълугъвал са зеррени артух жедач.
Имам Нававиди гъайи яхцIур гьадис
13- гьадис
عن أبي حمزةَ أنسِ بنِ مالكٍ رَضِي اللهُ عَنْهُ خادمِ رسولِ اللهِ صَلَّى اللهُ عَلَيْهِ وَسَلَّمَ عن النَّبيِّ صَلَّى اللهُ عَلَيْهِ وَسَلَّمَ قالَ:{لاَ يُؤْمِنُ أَحَدُكُمْ حَتَّى يُحِبَّ لأَِخِيهِ مَا يُحِبُّ لِنَفْسِهِ}رواه البخاريُّ ومسلمٌ.
Абу Хамза Анас Ибн Малик (Аллагь рази хьуй) агакьарна: Пайгьамбарди (Аллагьдин салатни салам хьуй адал) лагьана:
«Жуваз кIанзвайди стха патални кIан тахьайтIа, квекай садазни иман (гьакъикъи) жедач»